الخميس 23 مايو 2024
الرئيسية عاجل القائمة البحث

"كنت ظالم".. أحمد حاتم يكشف تفاصيل انفصاله لأول مرة | فيديو

أحمد حاتم
أحمد حاتم

كشف الفنان أحمد حاتم، عن العديد من الأسرار حول حياته الشخصية، منها تفاصيل طلاقه التي يكشفها لأول مرة، مشيرًا إلى أنه تزوج لمدة 3 سنوات وتعلم الكثير من تجربة الطلاق.

قال أحمد حاتم خلال لقائه في برنامج ABtalks، مع الإعلامي أنس بوخش: “اتزوجت لمدة 3 سنوات، واتعلمت بعد طلاقي غن الإنسان ممكن يبقى أحسن وممكن يتغير وممكن يبقى أوحش، وساعات بيبقى مش قرار ولكن أنا كنت في نسخة مش حلوة مني وكنت شخص ممكن أكون ظالم حتى لو ده مش باين بس ده حقيقة الأمر”.

أحمد حاتم يكشف تفاصيل انفصاله

وتابع أحمد حاتم: “الطرف اللي معايا مكنش مبسوط ودي مش عادتي، بس تجربة الجواز خلتني أقف وقفة كبيرة وتوصلت إني أقدر أعمل اللي أنا حابه ومقتنع بيه، مقدرش أسيب نفسي، أنا اتعلمت ده بطريقة صعبة واتعلمت ده في حد ومش عايز أجربه تاني، لأني كنت في فترة صراع وأسأل نفسي دائما أنا بظلم حد ولا لا؟”.

وأضاف أحمد حاتم: “أنا من بعد التجربة دي بقيت عايز أبذل مجهود وأهدى وأفتح مشاعري أكتر وأعبر عن نفسي وعن مخاوفي بشكل أوضح، لأن ده الصح، والحب هو محرك الحياة، ومن غير الست الراجل مش هيعمل 80% أو ممكن 100% من اللي بيعمله، وأنا بشوف أن الست هى السبب في كل حاجة في حياة الرجل”.

اقرأ أيضًا: "اتهدوا قرفتونا".. إسعاد يونس توجه رسالة لـ ياسمين عبد العزيز وأحمد العوضي

تم نسخ الرابط