ده قضاء وقدر.. زوجة عصام صاصا لأسرة ضحية الدائري: "قادرين تتكلموا إزاي؟"
تحدثت جهاد زوجة مطرب المهرجانات عصام صاصا عن الأزمة الأخيرة لزوجها ودافعت عنه ضد الانتقادات التي وُجهت له خلال الفترة الأخيرة.
نشرت زوجة عصام صاصا من خلال ستوري حسابها على إنستجرام، وقالت: “أى كلمة أنا هقولها مش هتنفعكم بحاجة، ولا هتشيل عنكم، عارفة إنكم مش فاهمين ومش مدركين حاجة زى كدا الله يكون في عونكم، وربنا يصبركم، بس أنا ليا حق أطلع أتكلم في حاجة أنا واثقة منها، وكان نفسي عصام هو اللي يطلع يتكلم بس والله من وقت الحادث محدش قادر يتكلم ولا نعمل لقاءات، ومش عارفة اللي بيعمل لقاءات ده بيجيب الطاقة منين”.
زوجة عصام صاصا تدافع عنه
وتابعت زوجة عصام صاصا: “هو خلص شغله واتحرك على الدائري وأنا كنت وراه في عربية تانية، وكنا رايحين عشان نظبط موضوع عقيقة ابننا رحيم، وعصام لمح تيشرت وفجأة لقى زجاج بيطير على طول، وهو ركن ونزل ومشيش، عصام خبط الراجل، والعربية كانت ماشية في طريقها عادي والراجل اتحدف من ناحية الشمال، ودي نقطة كان نفسي يطلع يوضحها بس هو مش قادر”.
واختتمت زوجة عصام صاصا، حديثها عن أسرة المتوفى، قائلة: “مش عارفة أسرة المتوفى قادرة تطلع تتكلم إزاي والناس بتضحك عليهم وبيقولولهم هجبلكم إعدام، إعدام على ايه؟ دي حادثة، يعني قضاء وقدر”.
اقرأ أيضًا: "اتهدوا قرفتونا".. إسعاد يونس توجه رسالة لـ ياسمين عبد العزيز وأحمد العوضي
