الخميس 25 أبريل 2024
الرئيسية عاجل القائمة البحث

إيناس الدغيدي: "رفضت أحمد عز لإنه مش مناسب ويسرا اختارته عشان يبوسها"

إيناس الدغيدي وأحمد
إيناس الدغيدي وأحمد عز

علقت المخرجة إيناس الدغيدي على طريقة اختيارها للممثلين، إلى جانب حديثها عن الفنان أحمد عز واختيارها له من كاست تمثيل.

قالت إيناس الدغيدي خلال استضافتها ببرنامج "أسرار" مع الإعلامية أميرة بدر: "مش مغرورة لكن شكلي مغرور، وعمرو سعد مكسرش المكتب عندي، هو حد كلمني قالي في ولد كويس هيجيلك المكتب عشان عايز يمثل، وأنا مكنتش موجودة، ومكلمنيش قبلها، وقالها أنا مش همشي و قاعد استنى، فاكر إنها مخبياني عنه، وهو كتب لي جواب، بس عرفت الموضوع ده بعد ما بقى عمرو سعد".

تصريحات إيناس الدغيدي

وتابعت إيناس الدغيدي: “بقابل في اليوم 40 واحد عايزين يمثلوا، واختارت أحمد عز من كاست وكان موديل إعلانات، رفضته في الأول، عشان مكنش مناسب في السن، عشان كان أصغر من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، كان فيلم كلام الليل، عشان مش عايزة تتباس من أى حد”.

واختتمت إيناس الدغيدي حديثها قائلة: "لما شافته قالتلى هو ده اللى اخترتيه، طب انتي بصيتي على سنانه، مش هينفع أبوسه عشان سنانه كلها سودة، والمنتج كان مقتنع بـ أحمد عز عشان وسامته، وراح قال ليسرا فيه واحد كويس بس ايناس شايفة إنه صغير، لما شافته قالتلى ده أنا هبوسه لكن اللى انتى مختاراه مش هينفع، قلتلها ده صغير، قالتلي مليش دعوة، وعمل الدور حلو جدًا، والبوسة طلعت حلوة، وبعدها راح اتعلم وجالي قالي عايز أعمل فيلم، عملت به مذكرات مراهقة، وعز تطور جدًا، ومجتهد ومركز عنده هدف".

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة

تم نسخ الرابط