الخميس 25 أبريل 2024
الرئيسية عاجل القائمة البحث

إيناس الدغيدي: "اتحطيت على قوائم الاغتيال من الإخوان ودخلت بنتي جامعة بره مصر بسببهم"

إيناس الدغيدي
إيناس الدغيدي

علقت المخرجة إيناس الدغيدي على ما يحدث بسبب جرأة أفلامها، إلى جانب حديثها عن وضع اسمها على قوائم الاغتيال من جماعة الإخوان.

قالت إيناس الدغيدي خلال استضافتها ببرنامج "أسرار" مع الإعلامية أميرة بدر: “الناس عايزة أى كلام تتكلم فيها، النقاد مبيشوفوش أفلامي جريئة، وأنا طلعت في الزمن الصعب، وأفلامي وفترة نضجي كانت في الزمن اللي ابتدت مصر تتقفل فيه، كانت مفتوحة جدًا قبلها”.

وتابعت: “ولما الإخوان مسكوا إول حاجة فكرت فيها إني ألاقي مكان تاني ليا، وكنت هروح دبي، واتحطيت على قوائم الاغتيال من جماعة اسمها الوعد منبثقة من جماعة الإخوان، وكانوا اساتذة في الجامعات، والله يرحمه وائل الابراشي جابلي 40 صفحة عن الجماعة دي، كانوا حاطين رقم واحد حسني مبارك واتنين شيخ الأزهر، وتلاتة أنا، عشان بنشر الفسق والفجور، وكمان وحيد حامد وصفوت الشريف ونجيب ساويرس، ومكنتش حاسة بأي حاجة ساعتها”.

تصريحات إيناس الدغيدي

وأضافت إيناس الدغيدي: “مرة حطولي في الجراج صورة السادات وعليها سلاح وكاتبين عليها المصير، يعني مصيري هيبقى كده، وسألت بتوع الجراج مين اللي حطها قالولي منعرفش، وجوزي قالي بلغي البوليس، قلت له يمكن واحد أهبل مش عاجبه أفلامي، ومرة راجعة بالليل لقيت ملثمين دخلوا ورايا الجراج بموتوسيكل، أنا خوفت ومطلعتش من العربية، بس كان واضح إنه مش هيضربوني بالرصاص كانوا هيضربوني بمطوة، فضلت اضرب كلاكسات عشان اللي في الجراج يصحوا ويشوفوا اللي انا فيه، وجريوا وكنت خايفة يعملوا حاجة في بنتي”.

واختتمت حديثها قائلة: “دخلت بنتي جامعة بره مصر عشان الإخوان، وطول الوقت بيبعتولي، عشان ضد الحجاب، أيام الإنتخابات، قلت نحاول نديهم فرصة فا عبد المنعم أبو الفتوح كلمني، وعرفني بنفسه، وقالي احنا مش ضد الفن وبنحب الفنانين والفترة دي قالوا إنه انفصل عنهم، فا قلت كان كده وكده يعني عشان داخل انتخابات فا عايزني ادعمه، لكن انا شايفة إن دول مش مصر خالص”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة

تم نسخ الرابط