الأحد 25 فبراير 2024
الرئيسية عاجل القائمة البحث

حسن الرداد: أول سنتين في الزواج الأصعب وإيمي طلبت الطلاق في شهر العسل

إيمي سمير غانم وحسن
إيمي سمير غانم وحسن الرداد

روى الفنان حسن الرداد كواليس زواجه من الفنانة إيمي سمير غانم، وكشف عن سبب طلبها للطلاق منه في شهر العسل.

تصريحات حسن الرداد 

قال حسن الرداد خلال لقائه ببرنامج “ كلام نواعم” :"أعتقد أن عقل الرجل في أوقات كتير بيكون السبب أن الجوازة تنجح  لأن الست أسهل كلمة عندها خصوصا في سنوات الزواج الأولى طلقني".

حسن الرداد يكشف سبب طلب إيمي الطلاق 


وروى حسن الرداد  ما حدث بينه وبين زوجته إيمي سمير غانم في شهر العسل وقال: "أقسم بالله وإحنا لسه في الطيارة بهزر معاها ومعرفش إنها بتخاف من الطيران، وأنا في الطيارة ببقى كأني ماشي في البيت متحمس وبحب أتحرك ويتعامل بطبيعتي،  وأفضل أقول الطيارة هتقع، لقيتها قعدت تعيط وتقولي طلقني وزعلت وفضلت أصالحها لحد ما وصلنا المكسيك".


وأضاف:" في بداية الجواز البنت لما بتضايق بتلاقي كلمة طلقني دي سهلة، لو الراجل ممسكش دماغه في كل المرات ممكن يحصل الانفصال فعلاً، أول سنتين  جواز من وجهة نظري وتجربتي بيبقوا صعبين أوي عشان تفهموا طباع بعض، وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل وعزيمة ومسئولية".

اقرأ أيضاً:محمد ممدوح: أمينة خليل مجتهدة وأنا تعبت تامر حبيب في جراند أوتيل

تم نسخ الرابط