الأحد 25 فبراير 2024
الرئيسية عاجل القائمة البحث

برنسة عبد الغني: نفسي أعمل عمرة ومافيش ممثل بينافس التاني

برنسة عبد الغني
برنسة عبد الغني

روت برنسة عبد الغني، أشهر كومبارس في الفن المصري تفاصيل حياتها الشخصية، وبداية دخولها عالم التمثيل، مروراً بالأزمات التي واجهتها، وأهم الأعمال التي شاركت فيها.

تصريحات برنسة عبد الغني 

قالت برنسة عبد الغني خلال حلولها ضيفة ببرنامج" تفاصيل" مع الإعلامية نهال طايل:" أول دور عملته في حياتي كنت طالعة كومبارس صامت في فيلم فجر الإسلام مع الفنانة سلوى إبراهيم، ولما بدأت اتكلم بدأت في فيلم صايع بحر وكابتن هيما".
وتابعت: “أول مخرج قالي إني هتكلم كان المخرج الكبير أشرف فهمي، واشتغلت مع معتز التوني، وكاملة أبو ذكري، وقمت بعمل أعمال كثيرة غامضة، ومفيش ممثل  بينافس ممثل تاني  في مجال التمثيل، كل واحد له لونه وشكله وطريقته ”.

أعمال برنسة عبد الغني 


وأكملت برنسة عبدالغني: “اشتغلت الموسم ده في فيلم الحريفة وأخدت 2000 جنيه في اليوم  و اشتغلت في فيلم القاهرة باريس، ومشتغلتش في موسم رمضان اللي فات لأن محدش طلبني، واتصلت بناس كتير قالولي لما تيجي حاجة مناسبة هنكلمك، ومحدش كلمني، وفاطمة كشري وليلى الإسكندرانية الله يرحمها  من أعز أصدقائي”.

وأردفت:"  اشتغلت حاجات كتير أوي واشتغلت بتاعة ملابس لفنانين كتير، واشتغلت في الطبخ وكنت بعمل  أكل شرقي وغربي، وسافرت أماكن كتيرة، وعملت 12 حج وعمرة قبل كده ونفسي أروح عمرة دلوقتي" 

علاقة برنسة عبد الغني بالفنانين من الوسط الفني 

وعن علاقتها بالفنانين من الوسط الفني الحالي، قالت برنسة عبدالغني:" في  بعض الفنانين يقومون بتقديم مساعدات كثيرة لها، ومنهم الفنانة وفاء عامر، والفنان ياسر جلال والفنان أحمد العوضي، والفنانة حورية فرغلي ونرمين الفقي وعبلة كامل وسلوى خطاب من الفنانات الجُمال".

برنسة عبد الغني: مش عايزة اشحت 

واختتمت برنسة عبدالغني حديثها قائلة:"  مش عاوزه أشحت من حد وبحب أتعب عشان أحلل القرش واحس به وبفرح  باللي باخده، واللي بيطلعوا يعملوا فيديوهات على التيك توك دول بيشحتوا ومبحبش اللي بيعملوه".

اقرأ أيضاً:تزوج 5 مرات ووالده رفض عمله بالفن.. لقطات من حياة حميد الشاعري

تم نسخ الرابط