الخميس 23 مايو 2024
الرئيسية عاجل القائمة البحث

أحمد حاتم: سعيد بدوري كأب وابني خلاني شخص تاني

أحمد حاتم
أحمد حاتم

تحدث الفنان أحمد حاتم عن ابنه "عزيز" ومدى تأثره بانفصاله عن والدته، موضحاً أنه أهم شئ في حياته.

تصريحات أحمد حاتم 

وقال حاتم خلال حواره ببرنامج"AB talks" مع الإعلامي أنس بوخش:"انا منفصل عن مراتي  بقالي سنة ونص، والناس بدأت تبعت لـ أم ابني من قريب لما اتكلمت كأن الموضوع جديد، ومكانش حاجة لطيفة لأن الموضوع عدى عليه وقت ومقولتش ومبشوفش أهمية في أني أقول وناس مكنتش تعرف أني متجوز أصلًا".

أحمد حاتم يتحدث عن ابنه


 وتابع: "الحاجة الوحيدة اللي مقدرش أخبي مشاعري فيها هو ابني عزيز، حسيت أني عايز أطلعه  معايا طول الوقت مع أنه لسه صغير، وعزيز هو السبب في كل حاجة وهو اللي خلاني أبقى شخص بعمل  مشاوير كتير  كل يوم علشان بس  أشوفه وانا ممنون للإحساس ده وممنون لوجوده، ووجودن غيرني تماما وخلاني شخص مش أناني خالص،  ولو انا كنت طلقت بس ومفيش عزيز كان ممكن متحركش وأقعد في حتة كده بتفرج من بعيد وأحس أن حظي وحش، لكن أنا مش حاسس أن حظي وحش وحاسس أني بقيت أحسن علشان بعمل حاجة علشان حد مش مستنيه يقولي حاجة ولا ياخد باله، ده غيرني من جوايا  وغير سلوكي بشكل عام، فأنا سعيد بدوري كأب".

اقرأ أيضاً:شريف سلامة: مبسوط بمشاركتي في كامل العدد وبحب أعمل الحاجة وعكسها

تم نسخ الرابط