الخميس 23 مايو 2024
الرئيسية عاجل القائمة البحث

فريدة سيف النصر: اتجوزت مرة واحدة.. ووالدي أهانني بسبب فيلم 424

فريدة سيف النصر
فريدة سيف النصر

تحدثت الفنانة فريدة سيف النصر عن حياتها الشخصية، وزواجها وتعرضها للخيانة، كما أوضحت عن سبب عدم زواجها مرة أخرى بعد الطلاق.

تصريحات فريدة سيف النصر 

 قالت فريدة سيف النصر خلال حلولها ضيفة ببرنامج " واحد من الناس" مع الإعلامي عمرو الليثي:" انا اتجوزت مرة واحدة من أسامة الشافعي،  لكن الجوازة نفسها  كانت 3 مرات لأننا كنا بنطلق ونرجع ونطلق ونرجع لأننا كنا مجانين خالص وبنحب بعض، وتالت مرة ما قبلتش يكون عندي محلل ولا هو قبل  بحاجة زي كده وكان لأسباب جامدة بسبب واحدة دخلت في النص وكنت بسامحه كتير لكن في الموضوع ده مكانش ينفع".

 

قصة زواج فريدة سيف النصر 


 وكشفت فريدة سيف النصر تفاصيل زواجها ت أسامة الشافعي قائلة:" وقتها كنت بعمل مسرحية الغبي وانا على مسرح الجلاء، وفجأة جات شخصية مهمة مش مصرية عاكستني وقلت أدبها، ضربته بالشبشب وجابولي القسم و ظابط المباحث وكان أسامة الشافعي اللي اتجوزته بعد الموقف ده، قال عندها حق أنها قلت ادبها عليه والتاني بتاع سفارة وشخصية مهمة، وأسامة قالهم دي قريبة مين، قالولن بنت عم سيف بيه النصر حمدي المفتش بتاعك ومن هنا حصل تعارف وطلبني للجواز لكني كنت رافضة في البداية ".

 

رفضت الزواج ووالدها أهانها


 وتابعت :"  وقتها قولت لابويا مش عاوزة اتجوز عاوزة اكمل  في التمثيل، ومكنتش لسه عملت فيلم 4-2-4، و لما عملته طلعت فيه وانا لابسة  بدلة رقص  لأني كنت لسة صغيرة وكنا وقتها بنلبس مايوه على البحر عادي لكن لما والدي شاف الفيلم ضربني وكنت أول مرة اتهان في حياتي وقال لي لازم تتجوزي".

اقرأ أيضاً:عمرو مصطفى: أنا فنان عالمي وعندي ألحان في جميع أنحاء العالم

تم نسخ الرابط