الثلاثاء 23 يوليو 2024
الرئيسية عاجل القائمة البحث

شقيق ضحية عصام صاصا يفجر مفاجأة: "أخويا كان واقف ومفيش فيه حته سليمة"

عصام صاصا
عصام صاصا

كشف جمال مفتاح، شقيق الشخص الذي تم قتله على الطريق الدائري من قبل مؤدي المهرجانات عصام صاصا، عن تفاصيل عن الحادث والحالة التي وصل عليها جثمان شقيقه إلى المستشفى.

قال جمال مفتاح خلال مداخلة مع الإعلامي سيد علي في برنامج "حضرة المواطن": "أخويا كان ماشي لشغله الصبح، وواقف مستني الباص اللي بيركب فيه ويروح الشغل، جه شاب متهور مسح به الأسفلت، زنقه في الرصيف في الجنب اليمين، وأنا بغسل أخويا مفيش فيه حتة سليمة، والإعلام بيقول كان بيعدي الدائري، أخويا كان واقف في مكانه مستني الباص".

وأضاف: “أنا كنت مسافر ورجعت من السعودية من 3 أيام، وكان معادي أقابله وهو رايح الشغل، وبيقولوا السرعة كانت 70 أو 80، وأنا سواق نقل ثقيل، لو سرعته 70 أو 80 دي عربية حديثة فيها فرامل هتقف، ومستحيل تكون دي السرعة، الوضع صعب، وأخويا ده الكبير وعنده أربع أطفال، وكان يعول غيرهم أربع أيتام، أنا واثق إن شاء الله في قضائنا المصري هيجيب حق أخويا”.

قضية عصام صاصا

يشار إلى أن مطرب المهرجانات عصام صاصا تم اتهامه في مقتل شخص على الطريق الدائري في المنيب، وتم إلقاء القبض عليه وحبسه على ذمة التحقيقات، ولكن تم الإفراج عنه بكفالة 30 ألف جنيهًا، ومن المقرر أن يتم عرضه على الطب الشرعي.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة

تم نسخ الرابط