الإثنين 15 يوليو 2024
الرئيسية عاجل القائمة البحث

أبلة فاهيتا تُطلق كتاب أنا وتعلق: "لازم نفهم نفسنا وكله ماشي زي القطيع بيبحث عن السعادة"

أبلة فاهيتا
أبلة فاهيتا

كشفت أبلة فاهيتا عن تفاصيل كتابها الجديد “أنا”، الذي ألفته مؤخرًا ويعتبر أول كتاب لها، وذلك خلال لقاءها مع الإعلامية سارة دندراوي في برنامجها تفاعلكم على قناة العربية.

وأهدت أبلة فاهيتا سارة دندراوي كتابًا وقالت ممازحة: “لابسة تيار من كريستال عصفور، وحطالك روج على الكتاب اللي بيحبه ظافر العابدين وما بيطلعش ولا في الهدوم ولا البوس”، وردًا على السبب وراء تأليفها هذا الكتاب، قالت: "أنا متعددة المواهب والست لازم يكون عندها طموحات وتطلعات وتطور من نفسها، وأنا من وقت أزمة الدولار ولقيت نفسي ملزمة أمارس أمومتي بالجنيه المصري وعينك ما تشوف إلا النور، اكتشفت أن الأمومة صعبة خالص ومش ليا خالص".

كتاب أبلة فاهيتا

وتابعت أبلة فاهيتا: “حالي مش عاجبني ولا عاجبني حال الناس، كله ماشي زي القطيع في رحلة تعيسة للبحث عن السعادة ومش سعداء، يتخطبوا ومش سعداء، ويتجوزا وبرضه مش سعداء، ويصرفوا وهاني مول وفي الآخر مش مبسوطين ويطلقوا ويقولوا مفهمناش بعض، طيب هتفهموا بعض إزاي وأنتم مش فاهمين نفسكم”.

وأضافت أبلة فاهيتا: “البني آدم لازم يفهم الأول علشان يعرف نفسه، وإيه اللي يسعدها وإيه ما يسعدهاش، والكتاب اسمه أنا وهو رحلة ذاتية للبحب عن النفس ويمكن تلاقوا نفسكم”، كما تحدث أبلة فاهيتا عن سعيها وراء التريند، قائلة: "مين عمل كتاب.. صفاء كتبت مذاكراتها ولا أحلام عملت مجلد بألماظتها، وأنا مش بزاحم حد، وأنا دايما أدخل على مجال موجود وأسيب بصمتي، وقدمت قبل كده برامج والبرامج موجودة من أيام فرعون".

كما سألت سارة دندراوي أبلة فاهيتا إذا كانت تهدف للنرجسية بسبب اسم الكتاب، وردت قائلة: “مش نرجسية والقارئ هو المقصود بكلمة أنا، ده كتابك إنت وكتاب خاص بالقارئ، وأنا عاملة إهداء لروحي، لأني ما حلتيش غير روحي هي اللي عايشة معايا ومستحملاني وبناخد وندي من بعض فميش عندي أغلى من روحي أهديها الكتاب”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة

تم نسخ الرابط