الإثنين 22 أبريل 2024
الرئيسية عاجل القائمة البحث

ميار الببلاوي: "ياسر جلال وجع قلبي وفيه فنانة حطتلي سم في الأكل"

ميار الببلاوي
ميار الببلاوي

كشفت الفنانة ميار الببلاوي عن العديد من الأسرار حول حياتها الشخصية، منها تعرضها للتسمم على يد فنانة، وذلك خلال استضافتها في برنامج العرافة مع الإعلامية بسمة وهبة.

قالت ميار الببلاوي: “خطيبة ابني السابقة من أول يوم قالتله شوفلك حل في أمك، هى كانت بنت ناس ومحترمة بس محبتنيش، وده ابني الوحيد، حاولت معاها بس كانت بتروح تعمل كل حاجة لوحدها، وهو مكنش بيصدقني، وفي الآخر هو اللي اقتنع، وأول حاجة قولتها ليها أنا عايزاكي تبقي بنتي مش مرات ابني”.

تصريحات ميار الببلاوي

وكشفت ميار الببلاوي عن تعرضها لطعام به سم، وقالت: “حصل إن في فنانة حطتلي سم في الأكل بسبب الغيرة، عشان كانت بتحب حد والشخص ده قالها إنه بيحبني أنا”.

أما عن علاقاتها بالوسط الفني، قالت: “في أوقات كنت محتاجة أشتغل وبرغم إني من نفس جيل السقا وكريم عبد العزيز وغيرهم، لكن عمري ما رفعت السماعة وقولت لحد شغلني معاك، ولكن اتجرأت في مرة وكلمت ياسر جلال لإنه جدع، وقولتلته عايزة أشتغل معاك في مسلسل الفتوة، قالي مقدرش عشان مليش حكم على المسلسل، واليوم ده قلبي اتوجع جدًا”.

اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"

تم نسخ الرابط