صلت الفجر وكلمتني.. والدة الطالبة نيرة صلاح تكشف تفاصيل المكالمة الأخيرة في حياة ابنتها
كشفت نشوى جمعة، والدة الطالبة نيرة صلاح، تفاصيل المكالمة الأخيرة في حياة ابنتها والتهديدات التي تعرضت له قبل وفاتها.
والدة الطالبة نيرة صلاح تكشف تفاصيل المكالمة الأخيرة في حياة ابنتها
وقالت "نشوى جمعة" في تصريحات خاصة لموقع"بالمصري"، اليوم الإثنين: “بنتي كانت صايمة لمدة 3 أيام وكانت بتسمع للشيخ بتاعها وتردد القرآن، وصلت الفجر وكلمتنى”.
وأضافت: "لو سكتنا هيبقى فيه مليون نيرة تانية، وبدأوا يشهروا ويتكلموا على بنتي أنا لما روحت لقيتها ماتت وأخدتها ومشيت وأخدت عزاها وقلت حق بنتي عند ربنا".
وتابعت: "اتفاجأت على النت ومكنش عندي خلفية باللي حصل، أنا مكنتش أعرف أي حاجة عن المواضيع دي، بدأنا نفتح تليفونها لقينا محادثات وفويسات لا يقبلها عقل بشر ولا بني آدم".
واستطردت: "تهديدات وسخافات لا تصدر من طالبة"، ورسائل نصها، "انتي مش قدها ابعدي عنها، ولقيت النيابة العامة تسأل عن تفاصيل التهديدات".
وتابعت: "لما كلمتني بدأت ترجع وقالتلي بطني وجعاني مش عارفة فيه ايه ومن هنا انقطع الاتصال ملقتش لها صوت اتصلت عليا زميلة بنتي وقالتلي بنتك رجعت كتير ولقينا حبوب في شنطتها".
وأكملت: "حتى لو أخدتها فهذا تحت ضغط نفسي وعصبي لما بحكي لوكيل النيابة شاف كتر الضغط والرسائل أنا بنتي قوية وحافظة 17 جزء قرآن".
واختتمت حديثها: "بنتي كلمت شيخ القرآن يوم الجمعة وقالت أنا تفتح قلبها وتساله وبالفعل رد عليها وطمنها لشدة خوفها"، مؤكدة: "حق بنتي عند ربنا ولازم العدل يتحقق بنتى طيبة ومطيعة وبتعامل كل الناس بطيبة".
اقرأ أيضاً:
